الأصحاب
يا ربي ادينا في الستر....يا ربي اعطينا الصبر
انفضل رقدت القبر كي ولات القلوب حجر
وين راهي النية الصافية؟
وين راهي الصحبة الوافية؟
وين راهي البسمة الشافية؟
وين راهي صحبة العمر؟
صدر لحباب كان ينصح
و كلامهم عمرو ما جرح
و اليوم ولى يفضح
يا ويلو لي بسرو مرح
القلوب عادت تنطح
و بهمك ولات تفرح
اذا انت سعدك راح غير بعد أو داوي لجراح
لا تقول كان صحبي كي خويا
لا تقول بعد العشرة ولى عدويا
لا تقول وكلت الملح لصحابي
الملح ما عاد يقعد في الركابي
انوصيك يا وليد الناس، اقرا منين يقراو الناس
اوزن مليح او عاود , حتى تعرف الذهب من النحاس
ما نقولكش كون ذيب من الذياب
ما نقولكش ربي ظفارتيك او دير لنياب
لقيباش المؤصل عن أصلو ما يتنصل
و لي ربي معاه ما تغيبلو ما يحصل
غير شد في ربي يا وليد الناس
و لا تخاف من الريح اذا كنت متين الساس
) ) ) ) ) )جزاكم الله الجنة ان شاء الله وسدد خطاكم الى مايرضى ويحب ) ) ) ) ) )
الأربعاء 13 أغسطس 2014 - 0:02 من طرف فاطمةالزهراء
اليومية
